Разсеявшихся между староверов, лжеучителей и летцов, паче же ратаев человеческаго спасения и самых истых слуг антихристовых, текущих на свою погибель и другим препону творят шествовать по пути истины, иже утаивают настоящий приход антихритсов, и еще будущаго ожидают и прочим ожидати советуют и вперяют суесловно и безбожно, лживо и законопреступно, якобы еще самый предреченный последний антихрист не пришел в мир. А сие всемирное отступление есть токмо предваяющее его многовременно, и сие мудрование есть весма прекословно и сопротивоборно евангельскому и отеческому учению внимати подобает.
(Изложение учения о Антихристе. Св. апостола Иоанна Богослова гл. 4. 2, Солунян. Апостол. Павла послание 2-е, гл. 2, 1-13).
Аще текущаго времене, во всем мире всякое разнозаконие, и всякое их предание пагубно и не вмещает в себе очистительныя воды крещения, ни едина от них, то какие есть останки у таковых мертвецов, чтоб мог Сатана еще что ограбить у совершенно нагих. Да вонмут таковые лестцы, колико могут в Писании поучиться, в чием ведении не крещении, и кто ими по присвоению словеси обладает.
Ибо приход антихристов не для инаго чего попущен, но войною духовною наити на Святую Соборную церковь и прельстити, аще возможно и избранныя, ибо в некрещенных избранных несть, а разве предизбранные во спасение в будущее время. Впрочем, в кое время приношение пречистых таин не будет или не имать явитися, и во алтарех службы не будет, яве яко при Антихристе. Кто же даст свое знамение вместо Креста Спасова? Кто ж еще даст знамение на десней руце? и проч. Не вся ли сия сбышася во очию нашею? И еще вящше внимание достойно, кто всяким коварством даде не именоватися имени Господа нашего Исуса Христа, и аще всего сего во исполнение не прииде и не исполнися, да ликовствуют обаятели человеческаго спасения, аще же все исполнися, яко же и исполнися. Да посрамятся сатанинские таинники, яко неверующии Христовым словесем, яко Сатана на Сатану востанет, аще же бы востал, царство их разрушится. Ибо сии лестцы воистинну посланницы антихристовы, токмо ослабляют христианское жительство, да тем приведут како либо в совершенную ему область, тайным подкрадением. в тщетном уповании, и в едином ожидании, уже исполнившагося, по проречению самаго Христа, пророк и апостол и святых: Ипполита, Ефрема и прочих.
Да внемлют же и сие прельщающии и прельщаемии, аще бы погибающие в настоящем, избрали себе новую погибель, по образу католиков, приемших лютеранство и кальвинство и другия тмищныя мерзости, все тожде и едино погибель, яко же червь, аще во глубине земли или на повершии, всяко червь и что из сего. Православие, влекущее Христово истинное рало, постраждут ничто же, ибо своя тем погибель во иный вид превращается неприкосновенно Православию.
Во свидетельство сего приведем святаго апостола Павла: яко чуждее беззаконие и превращение погибельных во иную погибель, Православию не повредит. Пишет бо Коринфом (134) «писах вам в послании, не примешатися блудником, и не всяко блудником мира сего, или лохоимцем, или хищником, или идолослужителем, понеже должни бы есте были от мира сего изыти». Ныне же пиах вам, аще некий брат именуем будет блудник или лихоимец и проч. ниже с таковым ниже ясти, что бо и ми и внешних судити, не внутренних ли вы судите? Внешних же Бог судит: измите злаго от вас самех, и зрите заблуждающии, разъятие апостольское повелевает блюстися блудников и прочих законопреступников, не внешних, от которых бы облюдание сожите в мире будет невместимо, но блюстися повелевает своих внутренних и еще именуемых от церкве, а не просто самочинием. И паки той же апостол, в первом послании к Солуняном (зач. 271) пиша, глаголет: «вы же братие, несте во тме, да день вас якоже тать постигнет. Вси бо вы сынове света есте, и сынове дне, несмы нощи ниже тмы и проч.». Сие апостольское словов знаменует сия, яко всякий православно шествующий по пути спасенному церковнаго предания, не должен бояться еретическия тьмы и самаго антихриста. Аще же отступит не како, и тогда тьма его обымет, лишившагося света Православия и предается противнику Христову.
Сего ради вси хотящии спастися, со всяким рачением и вниманием, да испытают в книгах о сей притчи. Аще ли же кто собою не достигнет до истоваго разума, да просит всех благ подателя, да отверзет разум написаннаго. Подобно и с братиею совопрошатися, яко змиина ратия, и самых бесовских слуг прявственных, посылаемых духом сатанинским, и не приклонять ни единаго ушесе, к слышанию таковаго помрачения прелести, первословному предложению, аще не хочут тайному от них противнику отдати себе в вечную погибель.
Аще ли же кто козньми врага (от чего сохрани Боже всякаго человека) заразится таковым ядом, сам в себе молча и не вредит таковою болезнию других. Паче же аще не в числе некиих первейших и остроречивых, таковый дондеже в себе крыет, терпим быти может. Аще же, всегда и всем и всюду изблевает, таковаго развратителя и зловнушителя ни мало терпети не подобает, но приступити к первому и второму наказанию, и аще не послушает, рещи пред всем собором, аще и сие отвергнет, да будет отвержен, яко язычник и мытарь, и от таковаго всячески подобно завещевати всем блюстися во всем, яко заразительныя болезни, и гнусныя гангрены. Аще же раскается от злобы сей, тогда да отвержется онаго пред всем собором, с великим гнушением огласительно и да просит о поползновении прощения вседушно.
А ласкатели бесом служители, Лествица 181 об.