Аще ли же, когда Божиим попущением от навета вражия, дерзнет кто из християн вступить в каковое либо брачное совокупление, и тогда с таковым отступником християном всякое сообщение пресещи, аще мощно яко же и потребно даже и в житейских вещех, по Василию Великому, яко дияволу преданному, ибо сие есть ненавидение, но исполнение закона церковнаго и приведение в чувство грешника, дабы срамом сим убежал старсти и пришел в чувство покаяния (грешник). Отвращение же к таковому да будет токмо телесное, душевную же и духовную к нему любовь в молитвах своих каждому православному прекращать не должно, паче и же и грешно, ибо подобает всяко сожалети, яко брат бе и уд тела Христова. Ибо осуждаются те, которые не плакали о сокрушении Израиля. Не забывать же и горькое рыдание Иеремиино о плененных израилтех, и многое число святы, плакавших и туживших о церковных бедах.

Аще таковый отступник, по случаю рождения младенца, воспросит крещение оному от верных, в таковом случае не инако приступити ко крещению, как по совершенном расторжении блуднаго и отступнаго брака, и потом крестить и отдать на содержание, на какую либо их страну, в безбедное хранение в християнстве. А раскаявшееся лице со обычным покаянием присоединить церкви Божии.

Аще же сего содеяти не восхощет, тогда яко совершенно забывшаго свой обет при оглашении, и отмещущаго спасительный совет и паки оставит яко язычника и мытаря, волею избравшего валятися в блате нечестия своевольно и быть отметником християнства и закона Божия и отнюд не крестить.

Отнюдь же не взирати и не поревновати, яко же деется в некиих согласиях, но всяко вне церкви Божия и ея закона и Божественнаго Писания, но мятежным и невеждным их умом, прикрывающихся льстецов самыми темными баснями: невинностью младенца и пагубным сожалением, удерживающих в пагубе сквернобрачных. Подав (порочному младенцу за отеческое нечестиен) крещение и почитают тот дом (отверженным в Ветхом и Новом Завете) уже присвоенным к церкви, чрез крещение младенца, яко бы уже в том младенческом крещении потопили и все нечестивое отступство сквернобрачных отступников, и тогда дольше и дальше утверждая и к пагубе пагубу присовокупляя, себе и сквернобрачным, свивши себе гнездо, вмещения: удостояют молебствием и прочими духовными приветствиями, учреждающееся пищею и питием торжественно, наипаче же при сущем изобилии, тогда то тот дом почитают Иерусалимом, а отступников истинным Израилем, изобильно приветствуя, имея отношение ко в пеленах лежащему младенцу. И из того явствует что? Во всяком таковом доме составляется особая моленная, и кроме общей в тожде сходящее разумение, и с вящшим почтением без труда довольствуют лучшим: в подобие великих чиновников, призывающих в домы церковнослужителей. И тогда сквернобрачные отступники, по таковом почтении и обнадеживании, чего лучшего возжелают. И что им общее собрание, и когда придут в чувство своей погибели, о которой даже и мыслить забудут, и како и когда могут ожидать. Лестцы всегда приседящии, яко писи при колитвенной трапезе у отступников, обращении их, и паки на путь правый, сами сущее виною удержания их в пагубе без возникновения, и накопивши детей, сколько естество вместит, и никогда о том не обличаемых и не зазираемых, и беззаконныя их таймичищи приемлемы, одеваются крещением без малейшего зазрения. А посему всякий отступник, естественно придет в изнеможение, возвратится на покаяние, потому что при первом, как выше писано, рождении не наказан на добро возратитися по обету своему во християнство, но видя и в пеленах и во отрочестве и возрастшими обстоима детьми, со отчаянием остается до гроба и окружающих себе детей отдавать в самую глухую и тройную пагубу. И так, под тонким бесовским предлогом, чрез нарицаемых настоятелей церкви их, подтвердившемуся и зловкоренившемуся обычаю, погибает род человеческий, под именем добраго. Такожде и истинное християнство, утверждающееся в Божественном Писании, и соответствующее времени и простолюдимства лиц, отвсюду стесняется, от входящих пространным путем и широкими враты в пагубу.

Вникнем же, с Божиею помощию, показать сим лестцем, и о их даемом крещении плодом отступническим, и прилепевает ли оно к сим таймичищам, и сбывается ли крещением, яко за неправильно дающих тако недостойно приемлющих, яко же ниже сего Божественная Писания явят Ветхаго и Новаго Завета.

Пирступиша ко мне князи глоголюще: несть отлучишася людие израилевы и священницы и левити от людей земных, но с нечистотами хи бяху иже есть хананеи, еффеи и ферязеи, и евусеи, и аммнонитяны, и моавитяны, и аморреяны, иже пряша от дщерей их себе и сныом своим и смесиша семя святое с людьми земными, и рука же князей множае быша в реступлении. И егода услышах словеса сия, раздрах ризы своя и рыдах, терзах власы главы моея и брады и седох тужа. И собрашася ко мне вси боящиися слова Бога израилева, за преступление иже от преступления приидоша, и аз седях прискорбен даже до жертвы вечерния, и в жертву вечернюю возстах от покаяния. И внегда раздрав ризы своя и плакахся, прклонив колена моя и прострох руце мои ко Господу Богу моему и рекох (Ездра. Гл. 9-я) ниже.

И ныне что речем Господи Боже наш, по сем? Иже оставихом повеления твоя, иже повелел еси рукою раб твоих пророк глаголющи: земля на юже вы взыдете, да воздержите ея, земля нечиста есть по нечистоте людей прочих земли, в ношении их, иже исполниша ю от уст, даже до уст сквернения их. Ныне убо дщери ваша не дайте сыном их, и дщери их не приемлите сыновом вашим, и не ищите мира их и благая их даже до века. (Ниже.) И дал еси нам спасение, мы же обратихомся разорити заповеди твоя и сженяемся с людьми земными, не прогневаешилися на нас даже до скончания, и проч.

И яко моляшеся Ездра, (глава 10-я) вопрошающи Бога и плачущи, лежаше пред церковию Божиею, и собрано есть к нему от Израиля собрание велие зело, мужи, и жены и отроцы, яко плакахуся людие и познеся плачь, и отвеща Сехения, сын Иеилев от сынов Иламлих и рече Ездре, мы преступихом пред Богом нашим и пояхом жены чуждия от людей земли, и ныне да есть долготерпение во Израили. Сего ради и завещаем завет с Господем Богом нашим: да отвержем вся жены, и тех иже от них рождении суть, яко хощет, востани, устроиши повеление Господа Бога нашего и по закону да будет. Востани, понеже на тебе есть глагол, мы же будем с тобою, укрепися и сотвори. И восстав убо Ездра и закля князи, священники и левиты, и всего иизраиля, да сотворяет по слову тому и кляшася. И воста Ездра от лица дому Божия, и идее в сокровищный дом и Ионана сына Елисувова, и преста ту, хлеба не яде и воды не пи, тужаше бо преступления их. (Ниже) И воста Ездра священник,и рече к ним: вы приступисте и взясте жены иноплеменнически, да не приложите на грех Израилю. И ныне дадите хвалу Господу Богу отец наших и сотворите угодное  пред Ним и отлучитеся от людей земли и от жен иноплеменнических. И отвещаше все множество, рекущи гласом, рекущи гласом великим: по слову твоему к нам тако буди: обаче людие мнози сутьи время снежно, и несть мощно стояти вне, и дело несть дне единаго или двух, зело бо согрешихом в словеси сем. Да станут князи наши во всем множестве, и вси, иже в градех наших, иже введоша жены иноплеменничи, да прииде время повеленное и сними старцы от град и судии от град. Еже отврати ярость Бога нашего от нас греха ради сего.

Да сотворят и сохранят вся повеления Господня и суды его (Неемии гл. 10), еже не дати дщерей наших людем земским, и дщерей их не возмем сыновом нашим.

В день той чтено есть в книзе Моисеове (глава 13-я), слышащим людем, обретено есть писано в ней: да неимут влести амонити и моавити в церковь Божию даже до века… (Сих роды, Григорий Богослов во образ християнских еретиков).

Но и в днех тех видех людей, водящии жены азотския, амонитяны и моавитския,и сынови их от получасти глаголаху азотским языком и не умеяху глаголати иудейски, и запрети им и прокля. (Ниже) в той же главе. И порази от них муже и оплешил терзающи их, и клялся на Бога, да не дают дщерей своих сыновом их, и не приемлют от дщерей их сыновом своим. Не в том ли обычае согрешил Соломон, царь израилев (и прочее ниже о прогнании жен сих).

Приступиша предстатели рекущи, (вторыя Ездра гл. 8) не отлучися род израилев, и начальницы, и священницы, и левиты, иноплеменнии языцы, и роди земстии, и нечистоты от родов хананеов и хеттеов, и ферезеов, и евусеов, и моавитов и египтян, и идумеов, и сложении бо суть дщери их и сынове их, и мешано семя святое ко иноплеменником язык земских, и частницы быша  предстатели и вельможи беззакония сего, от начала вещи, и скоро по сем слышах та, раздрах одеяния и священную ризу, и раздирающи власы и главы и брады, и седех скорбен и печален, и собрашася, и елико же тогда подвизахуся в слове Гсопода Бога израилева, со мною плачущи на беззаконие то, и седех скорбен, даже до вечерния жертвы,и востах от поста, раздрана имеюща оденяния и священную ризу,и  преклоних колене и простирающи руце, ко Господу рекох: молитва (ниже). (Книг. 2-я Ездры т. 8-й).

Яко земля есть, в нею же входите, воздрежати достояния ея, земля осквернена естьпороком иноплеменных земль и нечистот их исполнишася. И ныне дщери ваша не сложите сыном их, и дщери их не приемлите сыновом вашим, и не взыщите мир имети с ними во все время.

И паки обратилися есмы преступати законная твоя, яко помешаемся нечистотами иноплеменних язык земских, не гневаешилися погубити нас, дондеже не останется корень и имя наше. Господи Боже израилев истинен еси и останется корень и имя наше. Господи Боже израилев истинен еси и остави бос я корень даже до днешняго дни, се ныне есмы пред тобою в беззакониях наших, и несть паки стати пред тобою сих.

И возопи Иехониас и Ельлев, от сынов израилев, рече Ездре: (ниже там же) мы у Господа Бога согрешихом, иже возлюбихом нам свадьбу жены иноплеменных от язык земли. И ныне убо есть над тобою весь Израиль, в сих бо да будет клятва от Господа, изгнати всех жен наших, иже от иноплеменных суть с чады их, яко тебе повелено есть оь больших по закону Господню. Востающи проповеждь, к тебе пристоит дело, и мы с тобою есмы мужественно сотворим,и  восстав Ездра, закля начальников священнических, и левит, и всего Израиля, сотворити посему, кляшася.

И седоша все множество на пространстве церковне, дрожащи ради зимы (глава 9-я). И воста Ездра, рече им: вы беззаконно сотворили есте, возлюбисте вам в свадьбу жены иноплеменных, да придасте к греху Израиля,и  ныне дадите исповедание величеству славы Господа бога отец наших. И совершите волю его, и отлучитеся от язык земных, и от жен иноплеменных. И возопиша все множество, и рекоша гласом великим: яко рекл еси, сотворим, но множество велико есть, и время зимнее, и не можем на пособление стати,и  тодело нестьнам, единаго дин ни дву. Многу бо в том согрешихом, дда стану же и предстатель множество, и все, иже с нами обитают, колико их имеют жены иномлеменныя, да будут приятии время (Следует разбор).

И испытано есть конечно, о муже,и же имяху жены иноплеменныя (ниже и проч.).

Вси тии отложиша себе жены иноплеменныя и оставиша их с сынми. (Ниже).

 

Примечание.

1. Аще в сеневнем законе толико и таково бысть опасение от язык, кольми паче в законе христианском вящшему подобает бытии хранению, яко же апостол воспрещая: «кая часть верному с неверным, и свету ко тьме, и Христу с велиаром,и церкви Божией со идолы». Сокращеннее же рещи, идее же не убийство запрещается, но гнев, не блуд, но воззрение и проч., мышление грехов, а не содеяние. И аще тамо, духом движимый пророк, (Иустина философа глава 17-я пристоит) от воспаления любви к Богу, огорчаяся на злоденяние, терзая власы и браду. И ризу священну растерза, и постяся, но и виновных наказу, бияше. И не преста дондеже исправи вся по закону Божию, никое же показа ласкательство к беззаконником.

2. Достойно внимания, жены оныя от язык изгнании и с рождшимися от них сыны. Сынв же всяко нужнобыти обрезании, но изгнашася. Почто же яко незаконно давшее жерцы и беззаконно плучиша дети, и того ради не вменися в законное и истовое обрезание, обрезание же – образ християнского крещения.

            Всякое же подобает разумети, аще бо и деется над киими либо кая либо, тайна, но не всяко и не получают бытии сопряжени с тайною, за неправильное даяние и таково же приятие.

            Увещевает Григорий Богослов: негде хотящих креститися, да с чистотою исповедания приемлют во истину, а не повапленно, сиречь сверха крашено без действия.

            Слышаша действои агарянския дети, но не получиша истины за безрвеное приятие и за неправильное даяние иерейское, страха ради предавших святая псом.

            Слыша тайны происхождение в действии над собою от лжесвященников, но не получиша истины на злобу деющих беззаконно.

            Подобное есть разумение, и о действии хиротонии от лжеепископ, яко же правило гласит: от таковых бо крещени-не крещении, и поставленнии, не причетницы.

            Подобно и от Максима Киника, тайны получивши, ни получиша ин что же.

            Подобно смотрити и от правил 17, Апостола Павла, не убо прощает подаяти крещение, небывшим достойным приятия, аще бы и желали онаго весьма.

            Такожде и Иустина, мученика и философа во апологиях своих видим повелевающа не инако, но удостоившимся правым смыслом с верою приимати крещение, исчистви всякое препятствие к приятию онаго, ибо всюду ищется и правильнео даяние, правильное приятие, везде и повсюду должно внимати владычный глас: не дадите святая псом,и бесер не мещите пред свиниями, ибо весьм более святый мученик Иустин взыскует дел, кои показуются в виде, нежели веры нагия, ею же и беси имущие, сказуется апостолом.

            Смотрити подобает и брацы, аще законно приемлются во Христа и церковь, кроме всякаго препятствия, утверждаются содействием Святаго Духа, аще же будет кое препятствия, подавший осуждается и приемлющии расторгаются, и действие в ничто же бывает и яко не бывшее вменяется.

            В главе 1-й (мученик Иустин, в толковании апостольском лист 682) и последующих объясняет: каковы должны прииматися в крещение.

Гл. 2-я. О хотящих прима в крещение, не возбраняя ни коея злобы и скверных дел, аще бы блудницу имел, или жену оставивши иную имел, подобно и жена мужа, или бы кое зло известное содержал.

Гл. 3-я. Яко подобает за злодеяние казнити, и не мнети довольно бытии самому благу, а что злым с добрыми в церкви вмещения разумети, не вново приходящих, но уже прежде крещенных и совращенных на злобу.

4. Казнити грешащих подобает и любви к ним не оставляти, и о справлении всяким образом тщатися, потому глаголется: добрым и злым в церкви пребывание.

5. Подобает Писание чести осторожно, и милости и казни время, и не претыкатися Писанием. Предыдущии же суть пророцы и апостолы, они же прорицавшее о Христове пришествии (Собор. Лис. 484). А сии проповедавшее Его во всем мире Бога, от Бога пришедша, и во Имя Его крестящее народы. А вследствующии суть святители с мученики, овии с еретики крепко борющиеся, и тех, яко враги, от церкви изревающе, сии же и до крове за Имя Христово пострадаша. Таковаго разума обрящеши в 2-м слове на Пасху, в стихе 55, к концу, соборник.

6. Яко, ради лукавых, не подобает отлучатися церкви и покой нарушати, а церковно-предстатели могут их казнить без нарушения, ниже совершенно спати, ни суровым быти.

7. Зельне при оглашении разсмотряти и не дати крещение, не исчистя ветхия злобы и не прдлагая всего учения християнскаго, писано прежде совлещи стараго, и отблещи в новаго.

8. Хотящих креститися, накоазовати веры и дел благих, и ведомаго зла не оставляти, дондеже всего отвержется.

9. Непременно истязати жительства добраго, как апостоли учили, а с ведомым злом не приимати.

10. О еврнухе за кратковременное крещение, яко бы неучен о делах, тамо изъясняется, блуд же и прелюбодейство весьма истязуется, очистити.

11. О изшедших из Египта, сиречь от греха, знаменуте о прелюбодейства всячески чисту бытии подобает и других обычайных скверн, хотящу креститися.

13. Получает то же иметь добрыя дела, всяк злобу совершенно отложить прежде крещения и, получа крещение, украшать добрыми делами,к ак предрек пред крещением Предотеча, мытарем и воином и прочим.

14. Тожде поучает, да не единыя вере по бесех имети, но украшати добрым иделы, и пржде крещения оных учением вперяти, особо подобает вещать, ныне по времени о неплотосовукуплении.

15. Паче прочих утверждает, да прежде крещения всех злоб противных отречется, всячески не творити по крещении, а приятии учение о добрых блюдении, и паче всех целомудрие, на все же требуется благоразумное оглашение.

16. Глаголет бо: и беси веруют, и трепещут, и Сыном Божиим Господа нашего Исуса Христа исповедуют, и сей невозможно бытии основанием, ниже наречено: аще хощеши внити в живот, соблюди заповеди, а не творит дел, то вера любодействуемая и к концу жесточайше наказует.

17. Чесо ради, от крещения отгоними бывают, иже не хощут отврещися злых и лукавых дел и церковных заповедей пряти, и сим не прежде времени плевелы истерзаем, но более не хощем плевел сеяти, и паче прочих глав разсуждает, да истязуются о целомудрии, и не церковь неисправленных не приемлет, но они сами приити не хотят, учители же добрыми мрежами изловят добрых и злых, сами же мрежами добрых не изловят, мрежа же есть учение.

18. Не новая вещь злых в крещение не приимати, не отрицающихся от злых дел, противных церковному учению всякаго род, особо же блуд и прелюбодейство.

19. Хотящим креститися, что творити подобает, аще и вкратце, но разумно, больше всего о целомудрии, ибо не оставя зла, каков не крещен, таков и крещен будет.

20. Како отражается поклеп о кратком учении святаго Петра, при крещении 3000 поклонов, яко от кратких и прочая заемлются, толковано.

21. Недовольно познание Бога без дел благих, и толкование на глагол: аще и согрешихом, твои есмы.

22. Толкование глагола, суда и вечныя муки.

23. Яко, да никто же имать веру покрывалом беззакония, и указания от Петрова 2-го послания, пристойно на родителей отступнических и на самых отступников.

24. Из всех пресильнейше в доказательство на отступников и на отводящих в пагубу.

25. Наказание ко учителем, учити, како по крещении жительствовати, и не тако творити во учении, еже бы погибати, о них же Христос иудеев обличаше: горе вам книжницы и фарисеи (Матф. 23 гл.) яко море и сушу проходите, сотворити единаго пришельца, но с обоих смотрити и крестити и не со злобою, и не исправлением, а всем сильное наказание.